موربی، 6؍نومبر (ایس او نیوز؍ایجنسی) موربی میں جھولنے والا بریج گرنے کے معاملے میں گرفتار ملزم کی پولس ریمانڈ کی درخواست کو عدالت نے مسترد کردیا۔ پتہ چلا ہے کہ سرکاری وکیل نے دستاویزات کی کراس تصدیق کے لیے ان کو مزید ریمانڈ میں درخواست کی تھی، مگر عدالت نے مزید کوئی ریمانڈ دینے سے انکار کردیا۔

اس کے ساتھ ہی عدالت نےچاروں ملزمین – دو منیجر دیپک پاریکھ اور دنیش مہاسکھرائے ڈیو اور سریندر نگر کے دو ٹھیکیداروں کو عدالتی تحویل میں بھیج دیا۔

احمد آباد سے تعلق رکھنے والے دفاعی وکیل دھرمیندر شکلا نے دونوں ملزمان کی جانب سے چیف جوڈیشل مجسٹریٹ ایم جے خان کی عدالت کے سامنے کہا کہ استغاثہ "معلومات کو دبانے" کا سہارا لے رہا ہے کیونکہ وہ عدالت کے سامنے یہ پیش کرنے میں ناکام رہے تھے کہ اوریوا کے درمیان معاہدہ ہوا تھا۔

دفاعی وکیل نے کہا کہ موربی میونسپلٹی نے پل کو دوبارہ کھولنے سے پہلے "کوئی شرط" نہیں رکھی تھیں، جیسے فٹنس سرٹیفکیٹ حاصل کرنا۔ “معاہدے میں کوئی تکنیکی تقاضے نہیں تھے…انہوں نے پوچھا کہ اب یہ شرط ہم پر کیوں عائد کی جا رہی ہے؟ وہ کس ایکٹ کے کس سیکشن کے تحت (فٹنس سرٹیفکیٹ کے لئے) پوچھ رہے ہیں۔